O libro do peto, un manual de consulta electrónico


O artigo O libro do peto, un manual de consulta electrónico foi publicado orixinalmente n'As MIR e unha noites en 13 de decembro de 2014.



Nas batas de todas as médicas e residentes hai unha constante, o manual de medicina. Un "pequeno" libro, que as máis das veces non colle ben no peto, e que co peso fai que a bata escore para un lado. Pois ben, se hoxe en día temos smartphones e tablets que serven como teléfono, cámara, despertador, axenda, calendario, videoconsola... por que non usalos tamén como manual de medicina?

Esta foi a idea que tiveron no hospital de Ourense, e para iso crearon o Libro do peto. Este libro é na realidade o manual Diagnóstico y tratamiento en medicina hospitalaria: Enfoque práctico. nun formato accesíbel grazas ao estudo Ailalelo. Temos así, dunha banda, a versión web en librodopeto.com, que podemos visitar co computador ou co móbil. É unha web simple e intuitiva, moi sinxela de usar. Mais... e se non temos conexión á Internet? Pois nese caso podemos usar a aplicación para Android, coa que podemos gozar offline do manual completo no móbil ou tablet.

Ah! E por se tiñades dúbida, tanto o acceso á web como a app son totalmente de balde.

Web | http://librodopeto.com
App (Android) | https://play.google.com/store/apps/details?id=com.olibrodopeto.app